Një 31-vjeçar është arrestuar nga Policia e Skraparit pasi kultivonte bimë narkotike në fshatin Krastë.
Policia thotë se përveç arrestimit të L.Q., ka proceduar në gjendje të lirë vëllai i tij, shtetasi T. Q., 44 vjeç, të dy banues në fshatin Krastë.
Nga hetimet rezultoi se 31-vjeçari është autor i kultivimit të 342 bimëve narkotike, në fshatin Krastë, si dhe se kishte hapur 100 gropa në zonë, me qëllim kultivimin e bimëve të tjera. Në pamjet e siguruara gjatë periudhës hetimore, ky shtetas shfaqet duke u kujdesur vazhdimisht për bimët narkotike.
Në vijim, nga kontrollet në banesën e shtetasve L. Q. dhe T. Q., Policia gjeti fara kanabisi, sasi të kësaj lënde narkotike dhe 66 fishekë luftarak.
Materialet procedurale i kaluan Prokurorisë, për veprime të mëtejshme.
