Si rezultat i kontrolleve në të gjithë territorin e qarkut janë gjetur dhe asgjësuar 1679 bimë cannabisi.
Policia ka identifikuar 2 prej autorëve të këtyre rasteve dhe ka arrestuar njërin prej tyre dhe vijon punën për kapjen e shtetasit tjetër.
-Në fshatin Gimaj, u gjetën 133 bimë cannabisi. Si rezultat i hetimeve dhe veprimeve u identifikua, u kap dhe u arrestua autori i dyshuar i këtij rasti, shtetasi banues në fshatin Gimaj;
-Në fshatin Shegan, u gjetën 279 bimë cannabisi. Gjithashtu, u identifikua autori i dyshuar i kultivimit të këtyre bimëve, një shtetas 17 vjeç, për kapjen e të cilit, Policia vijon punën.
-Në fshatin Benë, u asgjësuan 1267 bimë cannabisi. Vijon puna për identifikimin, kapjen dhe nxjerrjen përpara përgjegjësisë penale, të autorit/ëve të këtij rasti.
Megaoperacioni “Territor i pastër” vijon.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.
