Dy persona janë arrestuar nga Policia e Krujës pasi tentuan të kultivionin bimë narkotike.
Policia infomron se është arrestuar Xh. K., banues në Arrameras, Fushë Krujë, pasi gjatë kontrollit të ushtruar në afërsi të banesës së tij, shërbimet e Policisë kanë gjetur të kultivuar fidanë të dyshuar cannabis sativa.
Po ashtu, në pranga ka rënë I. L., banues në Borizanë, Krujë, pasi gjatë kontrollit janë gjetur të kultivuar fidanë të dyshuar cannabis sativa pranë banesës së tij.
Materialet i kaluan Prokurorisë së Rrethit Gjyqësor Krujë, për veprime të mëtejshme./ Opinion.al
