Policia ka arrestuar një 27-vjeçar, pasi dyshohet se ka kultivuar 305 rrënjë kanabisi në 3 vende të ndryshme në Krujë.
Uniformat blu bëjnë me dije se falë operacionit “Water gate” kanë vënë në pranga shtetasinAlfred Doçi, banues në fshatin Fushë-Thumanë.
Gjithashtu u procedua në gjendje të lirë shtetasi R. K., banues në Fushë-Thumanë, pasi kapasur dijeni për këtë veprimtari kriminale dhe nuk ka kallëzuar në organet kompetente.
“Shërbimet e Komisariatit të Policisë Krujë, në vijim të punës për garantimin e rendit dhe sigurisë, evidentimin dhe goditjen e veprimtarive kriminale, kapjen në flagrancë të shtetasve që kryejnë vepra penale, kontrolleve të ushtruara për parandalimin e veprimtarisë kriminale të kultivimit të bimëve narkotike, kanë intensifikuar kontrollet në të gjithë territorin dhe kanë finalizuar operacionin policor të koduar “Water gate”.
Si rezultat i këtij operacioni u bë arrestimi i shtetasit A. D., 27 vjeç, banues në fshatin Fushë-Thumanë. Gjithashtu u procedua në gjendje të lirë shtetasi R. K., banues në Fushë-Thumanë. 27-vjeçari ka kultivuar bimë narkotike në fshatrat Dukagjin i Ri, Fushë-Thumanë, dhe Burrnesh, ndërsa shtetasi R. K., ka pasur dijeni për këtë veprimtari kriminale, pasi një pjesë e bimëve ishin kultivuar në afërsi të një objekti në pronësi të tij, dhe nuk ka kallëzuar në organet kompetente”, tha policia.
Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale./Opinion.al
