Bota

‘Kultivimi i një pandemie’, Në Kinë vijon tregëtia e mishit të qenve


Bëhu pjesë e Grupit Zyrtar të Opinion.al
>> KËTU <<
               Publikuar në : 22:41 - 21/06/20 |
Al Do

Mishi i qenit vijon ende të tregëtohet si ushqim në tregjet e Yulin në Kinën jugore, pavarësisht se qeveria qendrore i reklamon ato si shokë dhe jo bagëti.

Një OJQ (një organizatë joqeveritare) ka paralajmëruar se tregtia e vazhdueshme e mishit të qenve mund të paraqesë rreziqe të shëndetit publik në formën e sëmundjeve të reja.

Dr Peter Li, specialist i politikave në Kinë në Humane Society International, i tha Sky News: “Ne e kuptojmë se pandemitë janë shkaktuar nga një përqendrim i madh i kafshëve të specieve të ndryshme – kafshë me sistem imuniteti të kompromentuar.

Shumë qenë janë të tillë, në përqendrim të madh dhe me probleme të mëdha psikologjike dhe fizike. Mishi i qenve është një vatër e mundshme për një pandemi.”

Aktivistët kinezë që vizituan Yulin vlerësuan se 400 qen dhe 200 mace po shiteshin çdo ditë këtë javë, përpara një festivali vjetor të mishit të qenve që është zhvilluar që nga të paktën 2010.

Pamjet shqetësuese në Sky News tregojnë stalla ku varen trupat e kafshëve. Qentë akoma të gjallë mbahen në një kafaz të kyçur pranë një tavoline kasapi.

Në fillim të këtij viti, Ministria e Bujqësisë dhe Çështjeve Rurale të Kinës ndryshoi klasifikimin e kafshëve në mënyrë që qentë të mos klasifikohen më si bagëti.

Këto janë vetëm udhëzime, jo ligj. Por Shenzhen dhe Zhuhai, të dy në provincën jugore të Guangdong-ut, u bënë qytetet e para që ndaluan shitjen e mishit të qenve në fillim të këtij viti.

Udhëzimet duket se kanë zvogëluar shitjet e mishit të qenve edhe në Yulin megjithëse tregtia vazhdon.

Aktivistët thanë që të gjitha shitjet ishin të konsoliduara në një treg. Disa tregtarë u thanë aktivistëve se ishin të shqetësuar se stalla e tyre do të mbyllet afër festivalit, i cili fillon të Dielën.

Këtë vit, Kina ndaloi tregtinë dhe konsumin e kafshëve të egra, në përgjigje të pandemisë së koronavirusit.

Shumica dërrmuese e njerëzve kinezë nuk e hanë mishin e qenit.

Një studim nga Shoqata e Mirëqenies së Kafshëve në Kinë në bashkëpunim me Humane Society International në vitin 2017 zbuloi se 64% e njerëzve kinezë duan ndalimin e festivalit Yulin, dhe 51.7% mendojnë se tregtia e mishit të qenve duhet të ndalohet tërësisht.

Dr Li tha Sky News: “Në planin afatgjatë, është me të vërtetë e rëndësishme që Kina të fillojë të aprovojë një ligj kombëtar për të ndaluar industrinë e mishit të qenve.

“Për shkak se kjo industri është mbështetur nga një mori aktivitetesh të paligjshme dhe imorale kundër ligjeve të vetë Kinës, dhe për reputacionin e Kinës dhe për sigurinë e njerëzve, dhe gjithashtu për mbrojtjen e të miturve, ajo duhet të përfundojë.”, shtoi ai. /Opinion.al

Pas