Ditën e sotme ish-kryeministri Sali Berisha denoncoi publikisht faktin se në truallin e selisë së Partisë Demokratike do të ndërtohen kulla.
Sipas një postimi në rrjetin social “Facebook”, Berisha shkruan se në truallin ku ndodhet selia e PD do të ndërtohen kulla për larje parash.
“Shoqata Basha-Bardhi, kompani e ndërtimit dhe larjes se parave ne ndertim kullash ne truallin e Selise se PD. Sb”-shkruan Berisha.
Një fakt të tillë e ka hedhur poshtë PD, e cila përmes një deklarate sqaron opinionin publik dhe hedh poshtë akuzat e Berishës.
Sipas Partisë Demokratike, kjo është një gënjeshtër e Berishës për të hequr vëmendjen nga dhuna e 8 janarit.
Ndër të tjera në deklaratë thuhet se selia e PD është pronë publike dhe shtëpia e demokratëve dhe jo hapësirë për pastrimin e parave.
“Sqarim për opinionin publik nga Partia Demokratike e Shqipërisë
Për të hequr vëmendjen nga dhuna që Sali Berisha dhe banda e tij ushtruan me 8 janar, ai ka shpërndarë një gënjeshtër alla Sali gjate ditës së sotme. Kjo është vetëm një gënjeshtër e re, mashtrimi i rradhës i Sali Berishës.
Sqarojmë gjithë opinionin publik se selia e Partisë Demokratike është pronë publike. Ajo është shtëpia e demokratëve, nuk është bunkeri i Sali Berishës e aq më pak hapsira e pastrimit të parave të ortakeve të tij”-shkruhet në deklaratën e PD./Opinion.al
