Ish-kryeministri Sali Berisha i është përgjigjur akuzave që qarkullojnë ndaj tij lidhur me ndërtimin e një kulle në qendër të Tiranës.
Në një dalje për mediat nga selia blu, ai është pyetur nga gazetarët nëse është e vërtetë që nuk ka protestuar për këtë ndërtim pasi i biri Shkëlzen Berisha është një nga përfituesit dhe nëse është e vërtetë se një nga pronartët e kullës ka financuar “Foltoren”.
Berisha tha se këto akuza janë shpifje ndërsa ftoi kryeministrin Edi Rama që të anullojë lejën për ndërtimin e kësaj kulle.
“Shpifje nga kuzhina Fuga-Veliaj. E gjithë përpjekja është të krijojë një zhurmë për të shuar flakët e djegësit të Tiranës që nuk ekzistojnë. Gjatë qeverisjes së PD, Sali Berisha nuk ka dhënë asnjë leje për asnjë kullë. Plani që ka miratuar Këshilli Kombëtar në vitin 2012 ka qenë për ndërtimin e ndërtesave me lartësi 6-8 kate në të gjithë territorin e Tiranës. Ata që përpiqen të ma atribuojnë mua janë shpifarakë të mjerë. Së dyti nëse Edi Rama ka dhënë leje për Shkëlzen Berishën duhet të kesh humbur çdo mend. Megjithatë e ftoj Edi Ramën të anullojë menjëherë lejen,”-tha Berisha./Opinion.al
