Ministri i Jashtëm i Ukrainës, Dmytro Kuleba, thotë se ishte një “gabim strategjik” i Gjermanisë dhe Francës që nuk lejuan Ukrainën të anëtarësohej në NATO në 2008.
“Nëse ne do të ishim një anëtar i NATO-s, kjo luftë nuk do të ndodhte. Gabimi strategjik që u bë në vitin 2008 nga Gjermania dhe Franca, të cilët hodhën poshtë përpjekjet e Shteteve të Bashkuara dhe aleatëve të tjerë për të integruar Ukrainën, është diçka për të cilën ne po paguajmë. Nuk është Gjermania apo Franca që po paguajnë koston për këtë gabim, është Ukraina“- tha Kuleba në një intervistë në “Meet the Press” të NBC..
Rusia vijon sulmet mbi Ukrainën, ndërsa në qytetet nga ku janë tërhequr forcat ruse janë gjetur varre masive të civilëve ukrainas të vrarë.
