Në brendësi të një ndërtese të papërshkrueshme në një qendër tregtare në Kaliforninë Jugore, një grup i vogël njerëzish bashkojnë copëzat e kukullave seksi me të shtrenjta në botë.
“Abyss Creations” realizon kukulla të vërteta prej silikoni me përmasat reale të nje njeriu, me fytyra të ndryshme dhe me një organ të penetrueshëm, në një çmim fillestar për 6500 dollarë.
Kompania pohon se ajo shumë rrallë paguan për reklama, duke e mbështetur aktivitetin e saj thjesht në fjalët që njerëzit i kalojnë njëri-tjetrit dhe në një cikël botimesh periodike, që nga vitit 1996.
Fotografi Robert Benson e zbuloi këtë fabrikë vitin e shkuar, ndërsa ishte duke kërkuar një fabrikë të prodhimit të kukullave seksi në Japoni, për t’i fotografuar. Për çudinë e tij, ai zbuloi se shumë pranë qytetit të tij San Diego, gjendje një e tillë.
Gjatë një seance fotografimi në Prill, Benson realizoi procesin e krijimit të një kukulle seksi në çdo detaj dhe takoi skuadrën prej 9 personash që krijojnë 300-400 kukulla në vit.
“Të gjithë ishin shumë të dhënë pas asaj që që bënin dhe e merrnin punën seriozisht”, tregon Benson.
Një kukulle i duhen të paktën 80 orë që të realizohet duke nisur në fillim me bazën e silikonit, më pas thonjtë, flokët dhe në fund artisti i grimit kompleton fytyrën sipas specifikave të blerësit. Më pas kukullat vishen dhe paketohen për shitjet.
Një kukull standard bëhet me 18 modele trupash femërorë dhe 2 modele trupash mashkullorë në 39 fytyra të vlefshme. Linja standarde parashikon gjithashtu trupa transgjinorë me anatomi femërore apo mashkullore.
Porositë e blerësve fillojnë me 12 mijë dollarë në varësi të imagjinatës dhe buxhetit të blerësit. Një kërkese shumë e zakonshme nga blerësit është ajo e fytyrave që u ngjasojnë yjeve të njohur, por kompania tregon se nuk mundet t’i prodhojë këto kukulla pa miratimin e personazheve të njohur. Një tjetër kërkesë e shpeshtëështë ajo e krijimit të kukullave me organe mashkullore në trupa femërorë.
Matthew McMullen, një artist dhe skulptor profesionist, realizoi kukullën e parë në vitin 1996 teksa ishte duke punuar një maskë për Halloween. Pasi e postoi foton në internet ai mori shumë kërkesa, që e bënë të kuptoj se për këto manekina të përdorshme, kishte treg.
Që nga ajo kohë procesi i kirjimit të kukullave ka ndryshuar, ndërsa modelet e kukullave mund të shkojnë nga 75 në 115. “Gjithsesi, variantet mund të jenë të shumëllojshme ashtu si dëshirat e njerëzve”, është shprehur McMullen.
“Ju mund të krijoni qindra modele të ndryshme të trupave femërorë dhe gjithmonë ka një model më shumë për të bërë”, tregon ai.
