“Barbie” kukulla e cila prej 60 vitesh ka vendosur disa standarde bukurie te vajzat, tani do të vijë edhe në një version të ri. Prej muajit qershor kukulla e re “Barbie” do të vijë në disa variante si në karrige me rrota dhe me protezë në këmbë. Kjo do të bëhet për të nxjerrë në pah llojet e ndryshme të gjendjes fizike të vajzat, si dhe për t’u treguar fëmijëve se çdo vajzë është e bukur.
“Prezantojmë një kukull të re në karrige me rrota dhe me një problem fizik, më saktë një protezë në këmbë. Do të ketë edhe kukulla me përmasa të ndryshme trupore, por ajo në karrige me rrota ka qenë një prej më të kërkuarave nga konsumatorët tonë”, ka pohuar Kim Culmone, zv/presidente e “Barbie Design”.
Sipas “Teen Vogue” kukullat Barbie prej vitesh vinë me forma të ndryshme nga imazhi i parë i kukullës Barbie me sy blu, me linja trupore perfekte e me flokë bjondë të gjatë të prodhuar në vitin 1959. Kompania ka prodhuar rreth 100 lloje të ndryshme, duke përfshirë dhe kukulla me ngjyrë, të kolme, brune, e tani dhe kukulla me aftësi ndryshe.
Sipas përfaqësueve të kompanisë kjo do t’i bëjë vajzat me aftësi ndryshe të ndihen shumë më mirë me veten por dhe fëmijët e tjerë që ti kuptojnë e ti pranojnë. /E.M
