Një punonjës policie ka aksidentuar këtë të enjte një 11-vjeçar.
Sipas uniformave blu, ngjarja ka ndodhur në aksin rrugor “Bucaj-Kukës”, ku 26-vjeçari duke drejtuar automjetin e tij ka kapur me pasqyrën e automjetit një 11-vjeçar, i cili po merr mjekim në spital dhe është jashtë rrezikut për jetën.
“Paraditen e sotme, në aksin rrugor “Bucaj-Kukës”, shtetasi K. C., 26 vjeç, (punonjës policie në Komisariatin e Policisë Kukës, jashtë orarit të shërbimit), duke drejtuar automjetin e tij, ka kapur me pasqyrën e automjetit, një 11-vjeçar, i cili po merr mjekim në spital dhe është jashtë rrezikut për jetën”, njofton policia.
Veprimet procedurale po kryhen nga Drejtoria Rajonale e Agjencisë së Mbikëqyrjes Policore Kukës-Dibër dhe Prokuroria, për sqarimin e rrethanave të aksidentit.
