Një 65-vjeçar humbi tragjikisht jetën pasditen e së dielës në Kukës, si pasojë e një aksidenti me makinë.
Ngjarja ndodhi në fshatin Gryk-Çajë, aty ku sipas policisë, shoferi i një makine humbi kontrollin duke dalë nga rruga. 65-vjeçari ndërroi jetë teksa transportohej me ambulancë drejt spitalit.
“Në fshatin Gryk-Çajë, shtetasi L. Sh., 65 vjeç, banues në fshatin Çajë, dyshohet se ka humbur kontrollin mbi drejtimin e automjetit tip ‘Fiat’, dhe për pasojë automjeti ka dalë nga rruga. Drejtuesi i automjetit ka ndërruar jetë gjatë transportimit me ambulancë për në spital. Grupi hetimor ndodhet në vendngjarje dhe po punon për sqarimin e plotë të rrethanave dhe shkakut të aksidentit”, tha policia e Kukësit në një njoftim për mediat.
