Dy mjekë të Spitalit të Kukësit janë dhunuar ditën e sotme nga dy vëllezër. Sipas policisë, ngjarja ka ndodhur për shkak të detyrës.
Ndërkaq, uniformat blu të qytetit verilindor bëjnë me dije se kanë arritur të vënë në pranga njërin prej vëllezërve, ndërsa vëllai tjetër është shpallur në kërkim.
Më konkretisht, i arrestuari është shtetasi me iniciale I. V., 31 vjeç, ndërsa në kërkim është vëllai i tij, shtetasi H. V., 41 vjeç.
“Specialistët për Hetimin e Krimeve të Komisariatit të Policisë Kukës arrestuan në flagrancë shtetasin I. V., 31 vjeç, si dhe shpallën në kërkim vëllanë e tij, shtetasin H. V., 41 vjeç, të dy banues në Kukës, pasi dyshohet se kanë goditur për shkak të detyrës, 2 mjekë të spitalit të Kukësit”-njofton policia.
Materialet procedurale i kaluan Prokurorisë për veprime të mëtejshme.
