Një 38-vjeçar i identifikuar me iniciale M.O është arrestuar nga policia në Kukës pasi ka aksidentuar një të mitur dhe është larguar nga vendi i ngjarjes.
Burimet zyrtare njoftojnë se arratia e autorit, me banim në fshatin Nangë të Kukësit nuk ka zgjatur shumë, teksa 38-vjeçari është arrestuar në flagrancë.
Bëhet me dije se pas aksidentit i mituri është paraqitur në ambientet e spitalit, ndërkohë që ka marrë ndihmën e parë dhe është larguar për në banesën e tij.
Njoftimi i policisë:
Specialistët e Qarkullimit Rrugor në Drejtorinë Vendore të Policisë Kukës arrestuan në flagrancë shtetasin M. O., 38 vjeç, banues në fshatin Nangë, Kukës.
Arrestimi i tij u bë pasi, në aksin rrugor Kukës-Nangë, duke drejtuar mjetin tip “Volksëagen”, ka aksidentuar shtetasin e mitur V. Sh. dhe më pas është larguar nga vendi i aksidentit. I mituri, pasi ka marrë mjekim në spitalin rajonal Kukës, është larguar për në banesë. Materialet i kaluan Prokurorisë së Rrethit Gjyqësor Kukës, për veprat penale “Shkelja e rregullave të qarkullimit rrugor” dhe “Largimi nga vendi i aksidentit./Opinion.al
