Në një konferencë të mbajtur për mediat deputeti Kujtim Gjuzi tha se Partia Konservatore nuk do ti njohë zgjedhjet e 30 qershorit sepse ato mbahen në një datë të vendosur nga një president që ata e kundërshtojnë.
Gjuzi i ka cilësuar si ‘qesharake’ letrat që kryeministri i ka drejtuar Lulzim Bashës dhe i ka bërë kërkesë atij që ftesën ndaj opozitës ta bëjë me një shkresë zyrtare.
Apeli që bën Gjuzi për dy liderët e partive më të mëdha në vend është që ato mos të sillen si Haxhi Qamili.
Më tej, deputeti i Partisë Konservatore ngre shqetësimin se grupimi i tij politik nuk po gjen përfaqësi në KQZ dhe kjo për të është një arsye më shumë për të mos njohur zgjedhjet e 30 qershorit.
“I dërgo atij letra. Qe janë bërë qesharake. Letra të cilat nuk janë bërë në konsideratë. Çfarë do të bëjmë themi ne të konservatores. Te dy nuk duhet të jenë Haxhi Qamili. Shkëlqesi kryeministër ju keni përgjegjësi te ftoni opozitën zyrtarisht me shkresë zyrtare si kryeministër. Ne nuk kemi frikë nga përballja. Ftesa konservatore është se ne po shohim edhe bllokimin tonë në KQZ. Le të jemi të përgjegjës se nëse nuk do të kemi në bashkërendim qytetar konservatorët nuk do ta njohin datën 30 për zgjedhje edhe pse ne jemi regjistruar. Ne nuk njohim këtë datë pasi ne kundërshtojmë Presidentin e vendit” ka thënë Gjuzi. /Opinion.al
