Prokuroria ka kërkuar ndalimin e Saimir Tahirit dhe kërkesa e saj drejtuar Këshillit të Imunitetit në Kuvend do të shqyrtohet ditën e premte, personalisht ai deklaroi dje në studion e emisionit “Opinion”, se nëse do t’a fitonte këtë të vërtetë, do ishte dita që do të përballej në mënyrë spektakolare, por pa specifikuar se me kë.
Tahiri tha se llumi i politikës është mësuar të bashkëjetojë me llumin e rrugës, nëse unë do t’a fitoj këtë të vërtetë, do jetë dita që do përballem në mënyrë spektakolare.
Tahiri: Nuk dua që im bir ta shohë babain e tij me pikëpyetje, dua që im bir nesër të rritet si një djalë që të ketë krenarinë e plotë për babain e vet, siç unë kam krenarinë për tim atë apo siç keni edhe ju të tjerët për prindërit tuaj. Unë këtë kam objektiv sot, familjen time dhe të vërtetën. Kusuret politike të miat dhe të punës time, të korridoreve të politikës, të llumit të politikës që është mësuar të bashkëjetojë me llumin e rrugës, të jesh i bindur Lorenc, në ditën që unë do të fitoj këtë të vërtetë, do jetë dita që unë do përballem në mënyrë spektakolare. Për aq kohë sa kam të vërtetën dhe përsa kohë që ka njerëz që besojnë ende tek mua në këto momente të vështira.
Video
Ajo që bie në sy në këtë dalje të parë është shprehja e fytyrës së Tahirit, ai mezi gjen fjalët dhe ato që i thotë mezi i shqipton.
Me pauza të gjata dhe fjali të shkurtra dhe zë të shtruar Tahiri ka thënë:
U befasova shumë nga thirrja e Prokurorisë së Krimeve të Rënda, nuk e prisja.”
Ndërsa i pyetur nga Lorenc Vangjeli nëse ndihet i tradhëtur, Tahiri ka thënë:
Lorenc nuk ndihem i tradhtuar. I tradhtuar ndihem vetëm nëse e vërteta nuk del.”
Ndër të tjera Tahiri tregon që e ka takuar Ramën dy herë që nga dje, por që nuk ka zbardhur më shumë detaje rreth bisedës së tyre.
Tahiri u shpreh lidhur me korridoret e politikës:
Unë isha Ministër i Brendshëm dhe nuk i kam nërë ndere askujt edhe pse e kisha në dorë, prandaj sot kam shumë armiqë nga politika. Kjo është arsyeja që pse sot unë jam vetëm në këtë betejë edhe pse unë kam shumë njerëz pas vetes që besojnë në pafajësinë time.”
Pyetjes, a ka brenda PS njerëz qe s’ju duan, Tahiri iu përgjigj:
Mos me provokoni. Jeta ime ne PS nuk është ngrit mbi miqësi, por mbi kontribute.”
Por, po ashtu Tahiri ka pohuar që brenda Partisë Socialiste nuk ka miq, madje ka shumë armiq por nuk ka përmendur emra.
Në lidhje me ambasadorët dhe denoncimet e tyre, Tahiri tha:
Kam shumë respekt për ambasadorët në tërësi, pavarësisht se i kam njohur ndryshe
secili me të vetat, njerëz janë edhe ata.
Tahiri nëse do bëjë një marrëveshje me Ramën?
S’kam ndër mend dhe as dëshirë të bëj marrëveshje me Ramën dhe me askënd
Deklarata e fortë e Tahirit, do arrestohem po shkoj në burg
Dhe sot po ju them se nuk është dita që të merrem se kush ja rol në këtë histori. Të shkoj edhe në qelinë më të largët të burgut. Do rri aty dhe pasi të zbardhet e vërteta.
