Të jesh prind nuk është aspak e lehtë, aq më tepër i binjakëve. Ndonëse të gjithë e mendojnë se Alexander dhe Ella, fëmijët e George Clooney me Amal, kanë një “ushtri” të tërë që kujdesen për ta, George çdo ditë e më shumë na tregon të kundërtën. Edhe pse është përpjekur të ruajë në maksimum privatësinë e fëmijëve, ai nuk ka nguruar të flasë për ta dhe se sa ka ndryshuar jeta e tij me ardhjen e binjakëve.
“Qaj katër herë në ditë nga lodhja”, thotë Clooney duke qeshur.
56-vjeçari është shprehur se kishte hequr dorë nga të qenurit baba për t’iu dedikuar karrierës, por kjo ndryshoi me ardhjen në jetë të Amal, gruas së tij. Ata janë martuar në vitin 2014, e ndërsa fëmijët, Alexander dhe Ella erdhën në jetë vetëm tre muaj më parë.
“Nuk mendova se do më ndodhte mua. Kisha menduar gjithmonë se jeta ime do të përqëndrohet tek karriera, jo tek familja, e pranoj këtë gjë. Pastaj takova Amal dhe mendova: Kam një marrëdhënie të mrekullueshje, pse jo”, tregon aktori.
Si një baba i vjetër në moshë Clooney shpreson që të jetë në gjendje të ndjekë fëmijët e tij teksa luajnë në oborr, e ndërsa tha se një përvojë e tillë nuk erdhi si tronditje, pasi shumë nga miqtë e tij kanë fëmijë dhe ai është kumbar i disa prej tyre. Më shumë befasi për të ishte fakti që ishin binjakë, dyfishi i punës.
Gjithashtu ka shuar kuriozitetin për të gjithë se Ella i ngjan më shumë nënës.
“Ella, është “femërore” ka sytë e nënës, ndërsa Aleksandri është shumë më i madh se motra e tij”, rrëfeu Clonney.
