Kryeministri Edi Rama ishte sot në Thumanë, duke dorëzuar shtëpitë e reja të qytetarëve që humbën banesat e tyre nga tërmeti i 26 nëntorit.
Gjatë fjalës së tij, Rama nuk i ka kursyer batutat më banorët e zonës, duke ironizuar edhe situatën në PD.
Me ironi kryeministri i paralajmëroi banorët që të kenë kujdes me bravat, se nuk i dihet.
“Të gjitha familjet shqiptare që do të kthehen në shtëpi, do të marrin çelësin, do marrin titullin e pronës dhe do të gëzojnë shtëpitë e tyre, pa paguar as sot dhe as nesër asnjë qindarkë. Kuptohet duhet të bëni kujdes me bravat, se nuk i dihet. Por në rastin më të keq, edhe sikur gjërat të ndryshojnë në vitet e ardhshme do të ndryshoni ngjyrën e bravës. Ndonjë gjë tjetër nuk mund t’ju bëjnë dot, as tua marrin shtëpinë e as t’ju vënë interesa, kredi. Merre shtëpinë një herë dhe këto të tjerat lërja të ardhmes. Jeta është e gjatë, unë nuk do rroj sa shqiponja”-tha Rama nga Thumana./Opinion.al
