Kufoma e një burri rreth 40 vjeç është gjetur në rrugën Lord Bajron në Laprakë mesditën e djeshme, bëri të ditur policia e Tiranës. Ende nuk dihet identiteti i viktimës, por se mund të identifikohet nga familjarë që kanë denoncuar të zhdukur njerëz të tyre.
Në vendngjarje kanë mbërritur shërbimet e policisë dhe ambulanca e morgut, ku nga verifikimet e bëra dhe nga kqyrja e kufomës ka rezultuar se : Kufoma i përket seksit mashkull, rreth moshës 40 vjeç, me një gjatësi rreth 170 cm. Për shkak të stadeve të avancuara të dekompozimit të saj, nuk cilësohen të dhëna të tjera. Paraprakisht dyshohet se vdekja mund të ketë ardhur nga shkaqe natyrale. Grupi hetimor po vazhdon punën për identifikimin kufomës së gjetur, tha policia.
