TIRANE- Policia nuk ka ende asnjë person të dyshuar për vrasjen e Vasil Bibës, trupi i të cilit u gjet tre muaj pasi ishte zhdukur i groposur në maline Dajtit. E para që është marrë në pyetje është bashkëshortja e tij, Elsa Biba. Ajo është pyetur jo vetëm si person që mund të ndihmojë për hetimet, por edhe si person që mund të ketë dijeni për ngjarjen.
Burimet e policisë thanë se Elsa Biba është shprehur se largimi i të
shoqit nga shtëpia, zhdukja e tij, por edhe vrasja, mund të kenë lidhje
me borxhet që ai u kishte disa personave. “Im shoq kishte probleme me shumë njerëz, për shkak të disa borxheve të mëdha që u detyrohej. Ka pasur raste që ata na vinin edhe në shtëpi”, ka deklaruar 29 vjeçarja.
