Pala grek ka njoftuar ditën e sotme se ka lehtësuar masat në pikat kufitare për të gjithë emigrantët shqiptarë.
Bëhet me dije se të gjithë shtetasit që duan të kalojnë kufirin, duhet të kenë të plotësuar formularin plf, certifikatën e vaksinimit (ku shtetasit duhet të kenë kaluar 14 ditë nga doza e dytë e vaksinës) ose testin anticovid, i cili, ndryshe nga më parë, është i vlefshëm si nga institucionet shëndetësore shtetërore, ashtu edhe ato private, test normal apo test i shpejtë (rapid test).
Ndërkohë që në çdo rast, testet anticovid do të njihen nga efektivët e doganës greke në pikat kufitare.
Njoftimi erdhi si nevojë pas konfuzionit të shkaktuar ditët e fundit në pikat kufitare greke me Shqipërinë. Ky sqarim lehtëson procedurat e testimit anticovid për të gjithë ata shtetas që nuk kanë një certifikatë vaksinimi./Opinion.al
