Kryeministri Edi Rama ka folur përsëri sot në lidhje me çështjen e detit. Gjatë një konference për mediat, Rama tha se Shqipëria në gjykatën e Hagës kërkon një vendim të drejtë për çështjen e detit me Greqinë.
Po ashtu, ai hodhi akuza ndaj ish-kryeministrit Sali Berisha, kryedemokratit, Lulzim Basha dhe presidentit Ilir Meta. Sipas tij, ishte Shqipëria ajo që e ka kërkar një gjë të tillë, pasi Greqia, siç tha Rama ishte dakord me marrëveshje ne arritur në 2009.
Kryeministri theksoi se ka qenë PS ajo që kundërshtoi në Gjykatë marrëveshjen e bërë nga qeveria “Berisha” me Greqinë për detin.
“Çështjen e detit e ka hapur Shqipëria dhe jo Greqia, për këtë të fundit ka qenë e mbyllur për marrëveshjen e bërë me Saliun, lulin dhe Ilir Metën, nuk ka pasur asnjë pretendim më shumë sesa aq sa mori nga ajo marrëveshje. Atë e hapa unë me PS kur ishim në opozitë dhe aleatë, në Gjykatën kushtetuese ka shkuar PS, 9-0 Gjykata e rrëzoi me kërkesë si paditës të PS dhe çështja është rihapur falë këmbënguljes, durimit dhe vullnetit tonë në komunikimin me palën tjetër. Qartësisht Greqia ka zgjedhur që të vërë në dispozcion të zgjidhjes së të gjitha çështjet të gjithë vullnetin e tij të mirë. Më në fund, pala greke ra dakord me ne, se me qeverinë e mëparshme nuk kishim rënë dakord, në duart e një gjykatë që i ka të gjitha ekspertizën që të japë drejtësi të drejtë për këtë problem. një zgjidhje ideale, që në bazë të protokolleve dhe do të përgatitemi sic e kërkon procedura për të arritur në një zgjidhje të drejtë. Ne kërkojmë një marrëveshje të drejtë, marrëveshja e mëparshme ka qenë e padrejtë, të tjerat janë skandale mendore, shprehje të ligësisë që furnizon injorancën me qëllim në funksion vetëm të pushtetit të ca mediokërve që duan me çdo kusht plackë në Shqipëri”, tha Rama.
