Kufijtë,Meta pret Veselin: Bashkëpunoni me opozitën, është moment historik

Presidenti i Republikës, Ilir Meta pret në një takim delegacionin e Kosovës të kryesuar nga Kryetari i Parlamentit, Kadri Veseli ku bënin pjesë z/kryeministrat Fatmir Limaj dhe Dardan Gashi.
Në këtë takim Meta tha se “Kosova ka nevojë imediate për konsensus politik të brendshëm dhe gjithëpërfshirje në fazën përfundimtare të dialogut me Serbinë. Situata kërkon që shumica qeverisëse të krijoj një klimë më gjithëpërfshirëse në raport me opozitën. Edhe opozita në Kosovë duhet të marrë përgjegjësitë e veta ne këtë moment historik”.
Sipas njoftimit që nis zyra e shtypit në presidencë, Meta gjithashtu ka theksuar se “kërkohet bashkëpunim shumë më i ngushtë me partneret tanë strategjike te angazhuar për stabilitetin, sigurinë dhe të ardhmen europiane të rajonit”.