Presidenti i Serbisë, Aleksandar Vuçiç ka thënë se mundësitë për marrëveshje me shqiptarët e Kosovës janë “shumë më të vogla sesa kanë qenë” duke shtuar se Prishtina nuk do ta vazhdojë dialogun derisa të përfundojë mandati i administratës aktuale evropiane.
“Pa një marrëveshje me Beogradin, Prishtina nuk mund të bëjë asnjëherë asgjë”, tha presidenti serb.
Sipas asaj që shkruan “Radio Evropa e Lirë”, ai mohoi se ekziston një plan prej 17 pikësh për ndryshimin e kufijve me Kosovën.
Presidenti serb u shpreh gjithashtu se askush nuk e dëshiron një marrëveshje bazuar në modelin e dy Gjermanive. “Shqiptarët më nuk duan të dëgjojnë për këtë, ata dyshojnë se Rusia do ta pranonte këtë në OKB, edhe nëse ne e pranojmë atë”, tha Vuçiç./Opinion.al
