Kryeministri Edi Rama gjatë një konference të përbashkët me Përfaqësuesen e Lartë të BE-së Federica Mogherini, ka folur në lidhje për korrigjimin e kufijve mes Kosovës dhe Serbisë.
Rama është shprehur se kjo është një gënjeshtër, e cila është shpërndarë me shpejtësi në rrjetet sociale. Sipas tij, nëse ndodhë kjo marrëveshje, ajo nuk mund të realizohet në mënyrë të fshehtë pasi do të kaloj përmes një procesi të zgjatur.
“Përsa i përketë komplotit për të coptuar Kosovën dhe për të krijuar në mënyrë te fshehtë hartën e botës. Më kujton shprehjen sa pa dal Facebooku budallain e njihte vetëm shtëpia e vet.Ajo porosia e agjitacionit nazist që thoshte nëse gënjeshtrën të do që ta besojnë bëje të pabesueshme, kjo është në përdorim të përditshëm. Duke përfituar nga Facebooku, me gënjeshtra marramendëse dhe te rrezikshme. Nëse gjenden aq budallenj sa të besojnë se një proces që përfshin shtete dhe jo 2 shtete por gjithë shtetete botës, që përfshinë parlamentet mund te behet fshehurazi nga disa persona dhe të kaloj këtë proces si miu me mustaqe, atëherë kjo botë ka marrë fund. Çdo shqiptar me dy mend ne koke e kupton se kjo gënjeshtër është bërë e padurueshme qe shitet online”,-tha Rama.
Kjo deklaratë erdhi, pasi kryeministri i Kosovës, Ramush Haradinaj tha e ekziston një dyshim i bazuar, se presidenti i Kosovës, Hashim Thaçi, kryeministri i Shqipërisë, Edi Rama dhe presidenti i Serbisë Aleksandër Vuçiç, kanë diskutuar lidhur me ndarjen e Kosovës. Ai i bëri këto komente gjatë një debati të organizuar nga Instituti Demokratik i Kosovës lidhur me “Dialogun Kosovë – Serbi pas takimit të Berlinit”. Kryeministri Haradinaj tha se diskutimet për ndarjen e Kosovës janë bërë nën udhëheqjen e Shefes së Politikës së Jashtme të Bashkimit Evropian, Federica Mogherini./ Opinion.al E.Xh.
