Tre persona kanë mbetur të plagosur pas një aksidenti rrugor të ndodhur në aksin rrugor Kuçovë-Ura Vajgurore. Në aksident është përfshirë makina e Policisë së Qarkullimit Rrugor që është përplasur me një mjet tjetër tip Volkswagen”.
Ngjarja ka ndodhur pasditen e së shtunës rreth orës 19:00, në vendin e quajtur “Meteor” dhe si pasojë e aksidentit, të dyja makinat kanë rënë në kanal. Nga përplasja janë dëmtuar dy efektivë të policisë si dhe drejtuesi i mjetit Volkswagen, shtetasi me iniciale E.Sh.
Të tre të dëmtuarit janë jashtë rrezikut për jetën.
