46-vjeçari Admir Bejo është gjetur sot i pajetë në banesën e tij, në lagjen “1 Maji” në qytetin e Kuçovës. Ka qenë familjarët që kanë gjetur trupin e pajetë, ndërsa dyshimet e para flasin për mbidozë të konsumit të narkotikëve.
Trupi i pajetë i 46-vjeçarit është transportuar në morgun e Spitalit Rajonal të Beratit, ku autopsia mjeko-ligjore përcaktoi si shkak të vdekjes “trombozën në mushkëri e zemër”.
Bejo njihej në qytet si përdorues i rregullt prej vitesh i lëndëve narkotike, ndërkohë që burimet policore bëjnë me dije se në trupin e tij nuk janë konstatuar shenja dhune.
Kujtojmë se më 13 gusht 2022 Admir Bejo u plagos me armë zjarri dhe u gjet i shtrirë në rrugë nga një kalimtar që njoftoi asokohe policinë. Autori i plagosjes rezultoi të ishte komshi me Bejon dhe shkak i konfliktit kishte qenë një borxh i papaguar./Opinion.al
