FIFA ka përcaktuar ndarjen në vazo të ekipeve evropiane për fazën kualifikuese të Botërorit të Katarit që do të zhvillohet në vitin 2022.
Në bazë të renditjes së saj, qeveria botërore e futbollit ka vendosur Shqipërinë në vazon e katërt nga gjashtë vazo në total.
Ekipi ynë ndodhet në të njejtën kategori me Bosnje Hercegovinën, Slloveninë, Malin e Zi, Maqedoninë e Veriut, Bullgarinë, Izraelin, Bjellorusinë, Gjeorgjinë dhe Luksemburgun.
Kosova është vendosur në vazon e pestë së bashku Armeni, Qipro, Ishujt Faroe, Azerbajxhani, Estonia, Kazakistani, Lituania, Letonia dhe Andorra.
Shorti është përcaktuar që të hidhet më 7 dhjetor në Zyrih të Zvicrës. Me kategorizimin në vazo të bërë nga FIFA nuk përjashtohet mundësia që Shqipëria dhe Kosova të jenë në një grup për kualifikueset e botërorit. Ekziston gjithashtu edhe mundësia që një ose të dyja kombëtaret të kenë në grup Serbinë e cila ndodhet në vazon e dytë. Nuk dihet nëse FIFA do ta lejojë që ekipet të jenë në një grup me Serbinë duke qenë se në përballjen e fundit të Shqipërisë me Serbinë pati problematika të shumta siç ishte dhe ajo në stadiumin e Beogradit ku ndeshja u pezullua për shkak të dhunës që shpërtheu në stadium.
Shpërndarja e ekipeve sipas vazove për kualifikueset e Botërorit “Katar 2022” vijon si më poshtë:
VAZO 1 Belgjika, Franca, Anglia, Portugalia, Spanja, Italia, Kroacia, Danimarka, Gjermania dhe Holanda.
VAZO 2: Zvicra, Uellsi, Polonia, Suedia, Austria, Ukraina, Serbia, Turqia, Sllovakia dhe Rumania
VAZO 3: Rusia, Hungaria, Irlanda, Çekia, Norvegjia, Irlanda e Veriut, Islanda, Skocia, Greqia dhe Finlanda
VAZO 4: Bosnje Hercegovina, Sllovenia, Mali i Zi, Maqedonia e Veriut, Shqipëria, Bullgaria, Izraeli, Bjellorusia, Gjeorgjia dhe Luksemburgu
VAZO 5: Armenia, Qipro, Ishujt Faroe, Azerbajxhani, Estonia, Kosova, Kazakistani, Lituania, Letonia dhe Andorra
VAZO 6: Malta, Moldavia, Lihtenshtejni, Gjibraltari dhe San Marino. /Opinion.al
