Kombëtarja e Shqipërisë në futsallë kualifikohet për në Europian pas fitoreve në grup kundër Bullgarisë dhe Anglisë. Për kualifikimin historik të kuqezinjve në Varna u shpreh në një mesazh edhe vete presidenti Armand Duka. Për kreun e FSHF-së, këta djem kurorëzuan më së miri një punë disa vjeçare të kësaj skuadre. “U gëzova tej mase dhe jashtëzakonisht shumë nga rezultati i të dy ndeshjeve të kombëtares shqiptare të Futsalit në këto pareleminatore. Mundem me shumë meritë dhe shumë bindshëm, si Bullgarinë në takimin e parë, ashtu edhe Anglinë sot. Ky është fryt i punës disa vjeçare të trajnerit, stafit dhe çunave që arritën këtë kualifikim të shkëlqyer.
I uroj nga zemra djemtë, por edhe vetë Erindin, i cili e ka dëshiruar shumë një paraqitje të tillë për një rezultat pozitiv. Përkushtimi profesional i tij nuk kishte kurrsesi të mos prodhonte një sukses të tillë! Përgëzime çunave për këtë objektiv shumë të vështirë, por tashmë të bërë fakt dhe të arritur: Kualifikimin!”, shprehet presidenti i FSHF-së, Armand Duka në prononcimin e tij të publikuar në faqen zyrtare të Federatës në Facebook.
