Tranjeri i Kombëtares Shqiptare të Futbollit, Edi Reja dhe portieri i kombëtares, Etrit Berisha kanë dalë në një konferencë për mediat në prag të ndeshjes së rëndësishme ndaj Polonisë, e cila do të zhvillohet nesër në orën 20:45, në stadiumin “AIR Albania”, e vlefshme për kualifikueset e Botërorit “KATAR 2022”.
Portieri Etrit Berisha në lidhje me kualifikimin në Botëror është shprehur se mund të bëhet diçka që nuk është bërë asnjëherë.
“Mund të bëjmë diçka që asnjëherë nuk është bërë, presioni nuk duhet të jetë mbi ne por te Polonia. Ndeshjen e nesërme duhet ta interpretojmë në mënyrën më të mirë të mundshme. Ne e dimë që po përballemi me një ekip të fortë, ne duhet të fokusohemi vetëm te këshillat e trajnerit.”, tha Berisha.
Ndërsa për dëmtimin e Gjimshitit gjatë ndeshjes me Hungarinë ai u shpreh:
“Gjimshiti është një mungesë shumë e madhe sepse është njënjë nga lojtarët kyç të kombëtares sepse po bënte mirë dhe me ne edhe për ekipin e tij. Veseli kur luajti bëri shumë mirë, dhe shpresoj që skuadra të jetë kompakte dhe ata që do të luajnë do të bëjnë shumë mirë.”/Opinion.al
