Sot një vit nga tërmeti tragjik, kreu i opozitës Lulëzim Basha ka vizituar familjen e Bujar Çukës në Thumanë. Basha u shpreh se ende nuk është vendosur drejtësi për humbjen e djalit dhe bashkëshortes së Bujar Çukës .
“Sot vizitova familjen e Bujar Çukës në Thumanë që humbi bashkëshorten dhe djalin në tragjedinë e 26 nëntorit. Isha pranë tyre për t’ju dhënë forcë dhe shprehur ngushëllimet në emër të të gjithë qytetarëve shqiptarë. 1 vit pas tërmetit të 26 nëntorit, Bujari dhe vajza e tij Megi nuk kanë parë të bëhet drejtësi për përgjegjësit e asaj katastrofe ku ata humbën dy njerëzit e tyre të shtrenjtë, Fatmirën dhe Sardin. Është e papranueshme të shohësh se sa pak ka bërë qeveria që prej fatkeqësisë. Kemi dëgjuar kaq shumë premtime dhe kaq pak rezultate.”, shkuran kreu i opozitës.
Ndër të tjera, në postimin e tij në “Facebook”, Basha tregon se sa shumë premtime janë bërë nga qeveria pas tërmetit që iu mori jetën 51 personave, ndërsa thekson se qytetarët ende nuk janë strehuar dhe se do të kalojnë dimrin e dytë në çadra.
“Puna për rindërtimin është larg nga përmbushja. Vetëm një pjesë e donacioneve dhe ndihmës ka shkuar tek qytetarët e prekur nga tërmeti. Ku janë paratë e donatorëve? Ku janë premtimet? Shqipëria nuk ka më kohë për të humbur. Familjet shqiptare meritojnë më shumë. Shqipëria ka nevojë për një qeveri funksionale që punon për njerëzit. Ne do ta bëjmë këtë qeveri dhe do t’i sjellim shpresë Shqipërisë.”- përfundon ai.
Ndërsa kryeministri ka premtuar se të gjithë personat që iu shembën banesat e tyre do të strehon në shtëpi të reja, por ende dhe sot pas një viti shumë prej tyre gjenden në kontenier ose edhe në çadra.
Statusi i plotë:
