Kur vjen puna te produksionet kinematografike, Shqipëria nuk është me aq aktive sa para viteve ‘90. E duke qenë se nuk janë prodhuar shumë filma që atëherë, në kujtesë kanë mbetur ende të ngulitura thellë filmat e vjetër të Kinostudios “Shqipëria e Re”.
Në veçanti, disa personazhe morën zemrat e publikut që vazhdon të përdorë batutat e tyre edhe sot e kësaj dite. Një pjesë mund të jenë harruar, por fëmijët-aktorë dhe rolet që ata luanin me siguri nuk e kanë këtë fat. Të gjithë i mbajmë mend 14 vjeçarin Gjino, Taulantin që kërkon një motër, Tomkën dhe shokët e tij, Benin që ecën vetë etj.
Xing.al ka hulumtuar për aktorët me rolet më të spikatura, dhe çfarë bëjnë ata sot:
1.Admir Sorra, i njohur si Gjino te “Përrallë nga e kaluara” nuk është më aktiv me projekte në ekran. Ai ka jetuar në Itali prej disa vitesh dhe më pas u kthye në Vlorë, ku jeton edhe sot. As në rrjete sociale Admiri nuk është shumë aktiv.
2.Zhaklina Dhimojani, e njohur si “Mimoza Llastica” nuk aktron më gjithashtu. Ajo jeton në Bern të Zvicrës që prej vitit 1990. Sot është rreth të 50-ave dhe është e martuar e ka një vajzë. Xing.al shkruan se ajo ka punuar më parë në Itali si përkthyese në zyrën Federale të Refugjatëve dhe më pas si organizatore e koncerteve me muzikë klasike.
3.Herion Mustafaraj, i njohur si “Beni ecën vetë” ndryshe nga shumë të tjerë në këtë listë ai ka qenë pjesë e disa projekteve televizive. Hermonin e kemi parë duke kërcyer në formatin “Dance ëith Me” në Tv Klan. Ai sot është 50 vjeç dhe baba i një vajze 15 vjeçare.
4.Donald Kokona, i njohur si “Taulanti që kërkon një motër” ka ndërruar profesion tërësisht. Sot ai është 37 vjeç, jeton në Tiranë dhe ushtron profesionin e arkitektit.
5.Sabiela Agushi, e njohur si Ola, shoqja e ngushtë e Taulantit te filmi “Taulanti kërkon një motër” nuk ka qenë më aktive në ekran që prej atij roli. Sot ajo jeton në Gjermani, punon si juriste në Mynih dhe është e martuar.
6.Enea Zhegu, i njohur si Tomka te “Tomka dhe shokët e tij” qëndroi aktiv për pak kohë në kinematografi por më pas vendosi të shkëputej. Ai u rikthye në 2013 me projektin “Milenium”.
7.Manjola Begolli, e njohur si Rudina te filmi “Dy herë mat” ka mbaruar studimet për ekonomi dhe sot është biznesmene. Pas rolit të Rudinës ajo nuk u aktivizua më me role të tjera.
8.Petro Papakosta, ose “Partizani i vogël Velo” gjithashtu është tërhequr nga aktrimi, por sot ai është shkrimtar dhe autor i disa librave të botuara.
9.Shpëtim Zani ka luajtur rolin e Colit simpatik në filmin Debatik. Ai Zani nuk e vazhdoi karrierën si aktor.
10.Arben Latifi luajti rolin e Tilit, te “Shoku ynë Tili”. Ky do të ishte roli i parë dhe i fundit për Arbenin. Sot ai jeton në Gjermani.
11. E mbani mend Fatmirin të filmi “Në shtëpinë tonë”? spt ai është themeluesi i një prej kompanive më të mëdha audio-vizuale në Shqipëri, është i martuar dhe ëshgtë bërë baba./E.L
