Dilemat për të kaluar një fundjavë të bukur i shqetësojnë të gjithë, madje edhe personazhet publik. Por ku e kanë kaluar vipat fundjavën, kanë pushuar apo jo?! Këtë e shohim përmes fotove që kemi marrë nga profilet e tyre në Instagram…
Dhurata Dora
Dhuratën fundjava e ka gjetur në punë. Ja tek e shohim teksa bëhet gati të performojë përpara fansave të saj. Një sugjerim për Dhuratën… kaçurrelat i shkojnë shumë ndaj duhet ti bëj më shpesh.
Luana Vjollca
Nuk i ka rezistuar dot tundimit për të bërë plazh dhe me të drejtë, sepse ditët e nxehta të shtatorit të lejojnë të bësh edhe disa pushime ekstra. E veshur me bikini të bardha, moderatorja Luana Vjollca, duket shumë seksi edhe pse nuk ia shohim tamam format e saj fizike.
Armina Mevlani
Ka preferuar një natë të qetë dhe romantike. E veshur si gjithnjë me shumë shije dhe klas, Armina Mevlani ka zgjedhur ta kalojë një mbrëmje të qetë. Ajo shkruan në hashtagun e kësaj fotoje se, “mbrëmjet e vona janë vetëm për dashuri dhe pije”. Me siguri që pranë ka patur edhe të dashurin e saj, Shkëlzen Berisha.
Besa Kokëdhima
Besa është bërë nostalgjike dhe ka ripostuar një foto nga seti i mrekullueshëm, që ka realizuar këtë verë me fotografin, Eugenio Qose. Në këto foto Besa duket në formë perfekte.
Bleona Qereti
Bleona iu ka rikujtuar fansave se video e këngës së saj, do të shfaqet sot për herë të parë premierë në Vevo dhe ata kanë mundësi ta shohin këngëtaren e tyre të preferuar, në You Tube. “Take You over”, është kënga që paralajmëron edhe albumin e saj të parë në anglisht “I’m Bleona”.
Cozman
Po ti hedhësh një sy profilit të Cozy-t në Instagram, shohim që ai poston vetëm foto “selfie”. Reperi ndodhet prej kohësh në Londër tek familjarët e tij, ndërkohë që edhe ish e dashura e tij, Altuna Sejdi është pikërisht në kryeqytetin britanik, duke ndjekur javën e modës londineze.
