3 partitë kryesore të vendit duket se janë shpërndarë në qytete të ndryshme për të bërë mbylljen e fushatës mbrëmjen e sotme.
Edi Rama dhe Partia Socialiste kanë vendosur që mesazhin e fundit të fushatës elektorale 2017 ta japin në qytetin e Vlorës, aty ku vetë Rama është kandidat për deputet.
Lulzim Basha dhe Partia Demokratike fushatën e mbyllin sonte në Tiranë, në një miting në orën 19:00.
Po në orën 19:00 mitingun do ta mbyllë edhe Ilir Meta e Petrit Vasili dhe Lëvizja Socialiste për Integrim në qytetin e Fierit. Pjesëmarrja në këto tre mitingje pritet të jetë e lartë pasi partitë do pretendojnë të tregojnë mediatikisht mbështetjen e tyre dhe rrjedhimit elektoratin e 25 qershorit. /opinion.al
