Kronikë

Kthyen magazinat në “shtëpi bari”,6 të arrestuar në Shkodër,2 punonjës të OSHEE


Bëhu pjesë e Grupit Zyrtar të Opinion.al
>> KËTU <<
               Publikuar në : 11:32 - 23/12/21 |
Opi Nion

Policia e Shkodrës ka finalizuar operacionin policor të koduar “Bushati”.

Mësohet se janë zbuluar dy magazina që ishin përshtatur për kultivim të kanabisit, me anë të ngrohjes me llamba dhe një ambient tjetër që shërbente për prodhimin e vazove plastike, aktivitet i paregjistruar në organet tatimore.

Uniformat blu të Shkodrës raportojnë se janë sekuestruar 100 kilogramë kanabis, llamba elektrike, ngrohës, impiante kondicionerësh për pastrim ajri, termometra për matjen e temperaturës, 81 stabilizatorë elektrik, 187 kova plastike me pjesë bimësh narkotike cannabis sativa.

Gjithashtu është sekuestruar edhe një armë zjarri pistoletë me dy karikatorë e fishekë luftarakë.

Policia ka arrestuar 6 shtetas, 2 prej të cilëve janë punonjës të OSHEE-së.

Bazuar në informacionet e marra në rrugë operative nga ana e Komisariatit të Policisë Vau i Dejës, në bashkëpunim me Seksionin për Hetimin e Narkotikëve dhe Trafiqet e Paligjshme, se një shtetas, në fshatin Mnelë të Bushatit, kultivonte bimë narkotike me anë të llambave, është organizuar dhe finalizuar operacioni policor i koduar “Bushati”.

Në kuadër të këtij operacioni u arrestuan shtetasit: Gj. V., 33 vjeç, K. V., 21 vjeç, K. N., 22 vjeç, P. V., 56 vjeçe, të katërt banues në fshatin Mnelë.

Gjithashtu janë arrestuar në flagrancë edhe 2 punonjës të OSHEE-së, shtetasi A. K., 36 vjeç (përgjegjës i zonës) dhe A. K., 25 vjeç (lexues i matësit elektrik), banues në Bushat, për veprën penale “Shpërdorimi i detyrës”, pasi nuk kanë konstatuar lidhjet e paligjshme të energjisë elektrike në ambientet që ishin përshtatur për kultivimin e bimëve narkotike me anë të llambave, në zonën që ata kishin në monitorim.

Gjatë operacionit u zbuluan dy magazina që shtetasi Gj. V. i kishte përshtatur për kultivim të bimëve narkotike në kushte laboratorike me anë të llambave, si dhe një magazinë ku prodhoheshin vazo plastike, aktivitet i paregjistruar në organet tatimore.

Nga kontrolli i magazinave dhe banesave u sekuestruan 100 kilogramë cannabis sativa, 0.5 litra vaj hashashi, një armë zjarri pistoletë me municion luftarak, baza elektrike (llamba, stabilizatorë elektrikë që shërbenin për kultivim të bimëve narkotike) dhe 187 kova plastike që shërbejnë për kultivim të bimëve narkotike.

Në bashkëpunim me Prokurorinë vijon puna për dokumentimin e plotë të kësaj veprimtarie kriminale, identifikimin dhe arrestimin e personave të tjerë të përfshirë në këtë veprimtari kriminale.

Materialet i kaluan Prokurorisë së Rrethit Gjyqësor Shkodër, për veprime të mëtejshme, për veprat penale “Kultivimi i bimëve narkotike”, “Prodhimi dhe shitja e narkotikëve”, “Armëmbajtja pa leje”, “Fshehja e të ardhurave”, “Ushtrimi i aktivitetit pa licencë”, “Shpërdorimi i detyrës” dhe “Vjedhja e energjisë elektrike”,”-njofton policia.

Pas