Presidenti turk,Rexhep Tajip Erdogan ka theksuar se vendi i Shën Sofisë në kujtesën kolektive të Turqisë është “i pazëvendësueshëm”.
Sipas “Dailysabah“, e cila citon një intervistë të Erdogan për Revistën Kriter të Turqisë, ai thekson se kjo është një çështje e brendshme, që i takon kombit turk.
“Kjo është një strukturë që priti namazin e parë të së premtes të Mehmet Pushtuesit kur ai pushtoi Stambollin dhe më pas e shndërroi atë në një xhami si një simbol të këtij pushtimi”, tha presidenti në lidhje me Shën Sofinë, për këtë arsye ajo ka kaq shumë vlerë për shoqërinë, shpjegoi ai.
Duke thënë se shndërrimi i sitit të trashëgimisë botërore në një muze në 1934 “dëmtoi” popullin turk, Erdogan tha se vendimi i Këshillit të Shtetit për ta lejuar atë të kthejë atë në një xhami është një veprim për të “ringjallur vetëdijen publike”.
“Reagimet nga brenda dhe jashtë vendit nuk kanë asnjë vlerë për ne. Askush nuk mund të flasë për Shën Sofian përveç kombit turk, “tha ai, duke nënvizuar se kjo është një çështje e brendshme dhe se vendet e huaja duhet të respektojnë vendimin.
Gjykata e lartë administrative e Turqisë të Premten anuloi dekretin e qeverisë së vitit 1934 që e shndërroi Shën Sofinë në muze. Vendimi i shumëpritur hapi rrugën që struktura ikonike e Stambollit të përdoret si xhami. /Opinion.al
