Duket se negociatat kanë marrë një kthesë të fortë mbrëmjen e sotme. Palët nuk kanë rënë dakord për datën e zgjedhjeve pasi Rama kërkon të mbahen në 18 Qershor dhe Basha kërkon të shtyhen në Shtator. Opozita e përligjte shtyrjen e tyre deri në implementimin e votimit elektronik dhe të identifikimit biometrik të votuesve.
Për të komunikuar ecurinë e negociatave, Basha mblodhi mbrëmjen e sotme në selinë e PD, aleatët e tij në opozitë. Takimi ka zgjatur vetëm 20 minuta.
Gazetari Robert Rakipllari duke folur nga News 24 thotë se deri tani nuk është arritur një marrëveshje pasi Rama i ka ikur paketës “McAlister”.
Sipas tij, Basha u ka thënë aleatëve se “Rama insiston që zgjedhjet të mbahen më 18 Qershor”.
Duhet thënë se këto janë burime mediatike sepse nuk ka ende asnjë komunikim zyrtar nga dy partitë.
/Opinion.al
