Dielli që na shoqëroi këto ditë të fundit të janarit duket se do t’ja lërë vendin reshjeve gjatë javës në vijim. Sipas meteorologëve java në vijim do të jetë e gjitha e karakterizuar nga reshje shiu, të cilat sipas Qendrës Kombëtare për Parashikimin dhe Monitorimin e Rreziqeve Natyrore do të jenë më intensive në qarqet Shkodër dhe Kukës.
Në Vlorë dhe Gjirokastër përgjithësisht parashikohen reshje mesatare, ndërsa në zonat e tjera të vendit ato do të jenë më të dobëta. Në zonat me më shumë se 800 metër lartësi, parashikohen reshje dëbore.
Temperaturayt do të vijojnë të jënë në vlera të qëndrueshme, ku në bregdet pritet të shënohen 8 gradë Celsius minimumi dhe 13 gradë Celsius maksimumi, në vendet e ulëta 7 dhe 12 gradë Celsius, ndërsa në zonat malore 0 dhe 6 gradë Celsius. Në pjesën perëndimore të vendit, java e re parashikohet të vijë më erë të fortë.
