Dita e sotme shënoi një rënie të ndjeshme të temperaturave, shoqëruar me reshje në të gjithë vendin dhe dëborë në zonat malore. ARRSH bën me dije se në disa akse ka patur dëbore me intensitet, duke paralajmëruar drejtuesit e mjeteve për kujdes të shtuar. Sidoqoftë edhe në këto akse, qarkullimi është i lirë.
“Mot me reshje ka përshkuar vendin. Në Qafë Mali-Fierzë, në Qafë Luzhë dhe në Kuben-Vasije ka pasur reshje dëbore me intensitet. Po punohet me mjetet borëpastruese për të bërë pastrimin e akseve dhe shpërndarjen e kripës.Qarkullimi kryhet pa probleme. Përdoruesit e rrugës të bëjnë kujdes në lëvizje dhe të respektojnë sinjalistikën rrugore të reduktojnë shpejtësinë për shkak të lagështisë në rrugë”, njofton ARRSH./Opinion.al
