Në një vit 10 persona kanë humbur jetën dhe shumë të tjerë janë plagosur vetëm në kryqezimin e Blinishtit në superstradën Lezhë-Shkodër.
ABC News paralajmëroi rrugë të përgjakura për shkak të një tabele jo korrekte të vendosur nga ARRSH.
Në aksidentin e së premtes, dy gra humbën jetën. Një tjetër është akoma në rrezik për jetën.
Kurse tre vetë morën plagë të rënda në kokë dhe gjymtyrë.
Aksidenti ndodhi pikërisht në kryqëzimin e Blinishtit në superstradën Lezhë- Shkodër.
Në një vit vetëm në këtë vend janë shënuar 10 viktima dhe dhjetëra të plagosur.
Shifrat e frikshme të vdekjeve në kthesën e territorit të tij, detyruan administratorin e Blinishtit ti nis një shkresë autoritetit rrugor.
Sokol Luku, Administrator i Blinishtit tha për ABC NEWS se “nuk kemi marrë përgjigje. Sinjalistikën e kanë vendosur. Autoriteti Rrugor është paralajmëruar edhe me shkresë, por edhe me shqetësimet e banorëve”.
Superstrada Lezhë-Shkodër u përgjak që nga momentet e para pas inagurimit.
Perkujtimoret janë shtrirë në gjithë rrugën. Për shkak të nurmit të lartë të aksidenteve ajo u quajt superstrada e vdekjes. Në këtë rrugë janë realizuar dhe gara makinash. Por me disiplinimin disi të drejtuesve më tepër për shkak të frikës kryqëzimet u kthyen në një tjetër ferr. Dhe si të mos mjaftonte mungesa e kulturës për udhëtimin përmes qendrave të banuara, ARRSH shtoi rrezikun me sinjalistike jo korrekte.
