Tre kryqëzime te rrezikshme përgjatë unazës Shkozet–Plepa u mbyllen disa ditë më parë për shkak se ishin kthyer në burim aksidentesh.
Por ky vendim i autoriteteve, për t’i parandaluar aksidentet u kundërshtua nga disa banorë të zonës, të cilët thonë se kryqëzimet i kanë rrugën e vetme për t’u lidhur me zonën e Plazhit.
Një javë më pas, masat e marra për të shpëtuar jetë njerëzish, kanë ndryshuar dhe rreziku ne rreziku në rruge është rikthyer.
“Njeri nga 3 kryqëzimet që degëzojnë unazën nga Shkozet – Plepa është hapur serish. Kryqëzimet në këtë rruge me katër korsi u mbyllën për shkak te rrezikshmërisë që paraqesin për drejtuesit e automjeteve. Por në njërin prej tyre autoritetet kanë vendosur t’i heqin blloqet e betonit, pas protestës së banorëve. Në këtë mënyre, rreziku është rikthyer sërish, në mënyrë të veçante për pushuesit e huaj që udhëtojnë ne këtë aks dhe nuk e njohin problematiken e kësaj rruge”.
Ky vendim i autoriteteve për t’i hapur kryqëzimet përben rrezik për jetën e drejtuesve të shumtë të automjeteve, që lëvizin në këtë aks që njeh fluksin më të madh në vend gjatë pushimeve verore.
Kryqëzimet, në të cilat nuk punojnë as semaforët, e ndërpresin këtë rrugë me katër korsi pa respektuar asnjë parametër sigurie.
Makinat që i kalojnë përmes, nuk kanë hapësirë apo korsi të veçantë qëndrimi, përpara se të futen në rrugët me 2 korsi nga të dyja anët.
Ato u dalin befas makinave të tjera, ç’ka është pasuar disa herë me aksidente.
Kështu, hapja e këtyre segmenteve nuk është zgjidhje për këtë rrugë pasi teksa u mundëson banorëve të kenë akses në zonën e plazhit, u rrezikon jetën shumë qytetarëve të tjera. Edhe mbyllja e këtyre me barriera betoni po ashtu u krijon probleme atyre që jetojnë në këtë zonë.
Inxhinierët e rrugëve, që kanë folur disa herë me shqetësim, kanë propozuar si zgjidhje hapjen e nënkalimeve. Kështu shprehej në një tjetër kronikë të Tv Klan, një vit më parë Gëzim Hoxha.
Vendimi i autoriteteve për t’i mbyllur kryqëzimet kur ka ankesa nga drejtuesit, apo për t’i hapur kur përballen me protesta, jo vetëm që nuk është zgjidhje provizore, por i çorienton edhe më tepër përdoruesit e rrugës dhe vetë banorët. /Tv Klan
