Bota

Kryhet operacioni i rrallë në botë, tigrit i shpëtohet syri


Bëhu pjesë e Grupit Zyrtar të Opinion.al
>> KËTU <<
               Publikuar në : 13:59 - 16/05/21 |
Opi Nion

Një operacion i rrallë është kryer te një tigër. Një veteriner i specializuar ka arritur që të ruajë syrin e një tigri dhe besohet të jetë operacioni i parë në botë i këtij lloji tek një kafshë e tillë, raporton BBC.

Ratna, një tigër 17-vjeçar Sumatran, jeton në Shepreth Wildlife Park pranë Kembrixhit. Po dy muaj më parë Stafi vuri re se syri i majtë – i cili më parë kishte hequr një katarakt, po përkeqësohej dhe një ulçerë e kornesë u diagnostikua nga një veteriner specialist i syve.

Në fakt kirurgjia e kornesë nuk është e pazakontë te macet dhe qentë shtëpiakë, por këtë herë bëhet fjalë për një një rast të veçantë.

Gjendja e tigrit Ratna ishte përkeqësuar dhe kirurgu David Ëilliams, nga Spitali i Shkollës Veterinare të Mbretëreshës në Universitetin e Kembrixhit, e ka mbajtur në monitorim dhe pas operacionit tha se tashmë tigri është shëruar plotësisht.

Tigri më herët kishte operuar kataraktin para se të zhvendosej në parkun e botës së egër në fillim të vitit 2019.

Veterineri kishte tentuar edhe në Shkurt të këtij viti që të operonte tigrin, por rezultatet nuk ishin ato që ai priste, ndaj dhe u krye operacioni i dytë me një vështirësi më të madhe.

Ndërhyrja ishte si të mund të bënim një operacion te një mace,” tha kirurgu për operacionin 30 minutësh në tigrin që peshonte 93 kg. “Por unë nuk mendoj se dikush e ka bërë këtë më parë në këtë specie”, vijoi ai./Opinion.al

Pas