Kryetarja e Forumit të Gruas në Partitë Popullore Europiane, Doris Pack ka reaguar pas vendimit të Bashës për mbajtjen e zgjedhjeve në Lidhjen e Gruas në Partinë Demokratike.
Përmes një postimi në “Twitter”, ish-eurodeputetja gjermane si kryetare e Grave të Partive Popullore Europiane i bën thirrje Bashës që të respektojë statutin e LDGSH dhe të shmangë ndërhyrjet e dëmshme.
“Si Kryetare e Grave të Partive Popullore Europiane i bëj thirrje z.Lulzim Basha, kryetarit të Partisë Demokratike të Shqipërisë që të respektojë statutin e Lidhjes Demokratike të Grave në Shqipëri dhe të frenojë veten nga çdo ndërhyrje e dëmshme”, shkuan ajo.
Kreu i PD pas hapjes së garës për votimin e drejtuesve të rinj të forumit rinor, ka hapur garën në Lidhjen Demokrate të Gruas.
Basha udhëzoi zhvillimin e zgjedhjeve për të parën herë për kryetaren e LDGSH-së, post i cili mbahet me emërim që prej vitit 2012, si dhe të organeve të tjera drejtuese të Lidhjes së Gruas.
