Përmes një letre të drejtuar ministrit të Mjedisit, Blendi Klosi dhe ministres së MEI, Belinda Balluku, kryetari i Bashkisë së Korçës Sotiraq Filo është shprehur kundër ndërtimit të TEC-it në Korçë.
Në këtë letër drejtuar dy ministrave ai ka kërkuar refuzimin e kërkesës së kompanisë GPP për ndërtimin e një TEC me gaz afër qytetit të Korçës. “Ju kërkoj mos aprovimin e këtij projekti, i cili në çdo rast nuk do të mund të realizohet dot në kundërshtim me vullnetin e Bashkisë së Korçës”,-shkruhet në letrën e kryetarit të Bashkisë së Korçës.
Plani për ndërtimin e këtij TEC-i është shoqëruar nga protesta të banorëve të fshatit Sheqeras, ku është dhe planifikuar të ndërtohet. Ata janë shprehur njëzëri kundër këtij projekt-ligji pasi ndërtimi o një TEC-i do e shndërronte zonën në të pabanueshme.
Projekti parashikon realizimin në zonën e Korçës të një termocentrali me cikël të kombinuar me rendiment të shndërrimit të energjisë termike në energji elektrike me 60% ose 5990 kj/kwh me kapacitet 480.9 MW.
LETRA
“Ju kerkoj te mos aprovoni vleresimin e ndikimit ne mjedis pasi investitoret nuk kane paraqitur asnje garanci per nje bilanc pozitiv te ndotjes. Projekti eshte shume afer qytetit dhe ne toka te frutshme bujqesore. Qendrimi kunder i Bashkise se Korces ka qene i qarte dhe konsistent qe ne raportin e pregatitur per KIS ne dt 5.12.2017 ku Bashkia Korce eshte shprehur JO me arsyetimin e afersise me qytetin.
Ky qendrim eshte mbeshtetur edhe nga Ministria e Bujqesise dhe Zhvillimit Rural e cila ka theksuar se ky projekt cenon funksionalitetin e Fushes se Korces nga fshati Barc deri ne Zemblak. Ne keto kushte, ju kerkoj MOSAPROVIMIN E KETIJ INVESTIMI, i cili ne cdo rast nuk do te mund te realizohet dot ne kundershtim me vullnetin e Bashkise see Korces”, perfundom letra e Kryetarit te Bashkise Korce./Xh.K/Opinion.al/
