Komisioni i Ligjeve ka nisur seancat degjimore me 7 kandidatet per Prokuror te Perkohshem te Pergjithshem. Ne mbledhje jane paraqitur vetem deputetet e maxhorances, ndersa opozita, ashtu sic ka deklaruar e ka bojkotuar procesin.
Kandidati për Prokuror të Përgjithshëm të Përkohshëm Artur Selmani ka shpalosur platformën dhe ka bërë prezantimin e eksperiencave dhe kualifikimeve në një seancë dëgjimore në Kryesinë e Kuvendit.
I pyetur nga deputetja e Ps-së Vasilika Hysi se si ishte e mundur që nuk kishe përfunduar ende studimet për doktoratën duke qenë se ka një jetëgjatësi në karrierë si prokuror dhe si mësimdhënës Selmani u përgjigj duke thënë se kushtet nuk e kanë lejuar të mbarojë studimet.
“Kushtet e vështira nuk më kanë lejuar të përfundoj studimet, por që tashmë kam zgjedhur ti përfundoj në një fakultet tjetër. Reforma në Drejtësi do të ndryshojë mëndësinë e vjetër. Prokurorët kanë ende reflekse të kohës së vjetër.” tha Selmani.
I pyetur nga deputeti Fino, në lidhje me performancën e Prokurorisë, Selmani tha se “ka rënë besimi te Prokuroria, prandaj është dashur edhe reforma në Drejtësi. Kemi defektet tona. Prokurorët janë mësuar të presin urdhra nga lart”.
I pyetur për sukseset në karrierën e tij, Selmani tha se çështje konkrete me sensitet publik ka qenë ajo e rrugës Durrës-Kukës, në atë çështje suksesi ishte i limituar, pasi ishte shumë e vështirë, për shkak të afateve të vonuara nga Prokuroria, pasi Gjykata e Lartë e konsideroi gati të mbyllur.
“Politika është përfshirë në debate në lidhje me performacën e Prokurorisë. Unë nuk kam marrë pjesë në debate të tilla me karakter politik, por unë kam krijuar bindjen time mbi performacën”, tha Selmani.
Sipas tij, kemi pasur një sistem të centralizuar dhe ndaj ne e kemi hequr këtë lloj sistemi për mënyrën e funksionimit të prokurorisë.
