Ditën e sotme Kryeprokurori Olsian Çela ka folur në lidhje me situatën kriminale të krijuar në qytetin e Elbasanit.
Çela është shprehur se krimi po kontrollon qytetin e Elbasanit, ndërsa thekson se kjo situatë kërkon një kundërpërgjigje të fortë nga drejtësia.
Ai shtoi se prokuroria dhe policia nuk mund ta tolerojnë më që ky qytet të përdoret për të larë hesapet mes bandave, prandaj shtoi se ndaj tyre duhet një përgjigje ekzemplare.
“Niveli i krimit të rëndë dhe organizuar në Elbasan po rritet. Po vihet se re krimi po kontrollon qytetin dhe jetën ekonomike. Kërkojnë vëmendje të veçantë dhe përgjigje ekzemplere nga shteti. Një qytet s’mund të kthehet në vend për luftë mes bandash për kontroll territoresh apo për hesapet mes tyre. Kjo që ndodh është maja e ajsbergut. As Elbasani dhe as qytete të tjera nuk mund të merren peng nga këto grupe”,-tha Çela./ Opinion.al
