Prokurori i Federal i Belgjikës ka dhënë një intervistë për emisionin Opinion, ku ai është ndalur në shumë çështje të rëndësishme mes dy vendeve tona.
Frederic Van Leeuw ka folur edhe për çështjen e trafikut të armëve, që nga shumë media botërore, është përmendur se disa prej terroristëve po pajisen me armë nga Shqipëria.
Leeuw tha se problemi që kemi hasur në atentatin e Brukselit apo në Paris, është se ne kemi rrjete të krimit të organizuar që bashkëpunojnë me terrorizmin dhe i kanë mbështetur në logjistike, me mjete dhe me burimet e tyre.
“Në rastin e armëve një problem tjetër që e hasim tani në rang europian është se ka shumë zona, ku ka shumë armë dhe mund të merren lehtë”, ka treguar ai.
Ndërsa ka theksuar se shumë vende i prodhojnë disa lloje armësh dhe mbi të gjitha nuk kemi standard të përbashkëta të demilitarizimit.
Sipas tij, kjo do të thotë se armët janë mbledhur në disa vende dhe janë shitur ilegalisht në internet
