Gjendja e kryepeshkopit të Shqipërisë Anastas Janullatos është përkeqësuar.
Prej ditësh ai ndodhet i shtruar në spitalin Evangelismos në Athinë dhe ditën e sotme i është nënshtruar një operacioni sepse ka pasur gjakderdhje gastrike.
Lajmi është bërë i ditur nga mediat greke, teksa thonë se orët e fundit 96-vjeçari kishte pësuar një përkeqësim të shëndetit dhe ishte intubuar e transferuar në Repartin e Kujdesit Intensiv.
Kujtojmë se kryepeshkopi Anastas Janullatos u transferua më 3 Janar nga Tirana në spitalin “Evangelismos” në Athinë me një avion të Forcave Ajrore të Greqisë.
