Kryeministrja e Serbisë, Ana Brnabiç tha se presidenti serb Aleksandar Vuçiç nuk ka marrë ende një vendim për të shkuar në Samitin BE-Ballkani Perëndimor që do të mbahet ditën e nesërme në Tiranë.
Bërnabiç tha se është e rëndësishme të shkohet atje, sepse askush nuk ka kredibilitet dhe nuk mund të përballet me hipokrizinë si Vuçiç.
“Si qenie njerëzore e kuptoj dilemën që ka Vuçiç”, tha kryeministrja Bërnabiç dhe shtoi se shpesh pyet veten se si një person ka nerva, tolerancë dhe durim si Aleksandër Vuçiç.
“Vuçiç ka, se kështu lufton dhe fiton disa gjëra për Serbinë dhe serbët në Kosovë e Metohi”, shtoi më tej Bërnabiç.
Vendimi i Vuçiç për të bojkotuar samitin, u bë i ditur pas vendimit të kryeministrit Albin Kurti për të emëruar Nenad Rashiç si ministër në qeverinë e Kosovës. Sipas mediave serbe reagimi i Vuçiç vinte pasi Rashiç i cili është edhe kryetar i Partisë Demokrateike Progresiste, nuk gëzonte as 0.2% të mbështetjes nga serbët e Kosovës./Opinion.al
