Kryeministrja finlandeze Sanna Marin zbuloi gjatë një takimi me mediat se ajo iu nënshtrua një testi droge në mëngjes.
Rezultatet pritet të arrijnë brenda një jave dhe do të bëhen publike.
Marin u pyet nëse testi i drogës mund të jetë i saktë kur kanë kaluar tre javë nga festa. Marin u përgjigj se nuk e dinte dhe tha se ishte testuar për siguri, duke theksuar se nuk kishte provuar kurrë drogë. Këtë e raporton tabloidi Iltalehti.
Në Finlandë, është shfaqur një video e re që tregon kryeministren Sanna Marin në qëndrime intime me një burrë “të panjohur” teksa ajo kërcen në një klub në Helsinki. Episodi duhet të datojë në datën 6 gusht, në të njëjtën fundjavë në të cilën u zhvillua festa private në qendër të videos së parë.
Disa media theksojnë se kryeministrja ishte në detyrë të plotë atë fundjavë dhe për këtë arsye nuk ia kishte dorëzuar kompetencat ministrit të Mbrojtjes, siç ka bërë herët e tjera. Rasti po ndez polemika në Finlandë, me shumë komentues në anën e kryeministres.
Eksperti i sigurisë kibernetike Petteri Järvinen përmendi, në Iltalehti, mundësinë që rusët të kishin hakuar telefonin ose llogaritë e mediave sociale të dikujt që është pjesë e rrethit të ngushtë të Marin; edhe pse mesa duket videoja e djeshme është shfaqur fillimisht në një profil në Instagram të një të njohuri të Marin.
Kryeministrja 36-vjeçare finlandeze Sanna Marin kishte marr kritika pasi mediat e vendit të saj publikuan një video, e cila ende nuk dihet se si përfundoi në internet, në të cilën liderja e re çmendet në një festë private. Marin, në melodinë e artistëve të njohur të repit si Petri Nygård dhe Antti Tuisku, kërcen në shoqërinë e emrave të njohur të spektaklit në Finlandë. Sipas gazetës Iltalehti, e cila e ka publikuar fillimisht lajmin, në video shihet fotografja dhe influencuesja Janita Autio, prezantueset Tinni Ëikström dhe Karoliina Tuominen, stilistja Vesa Silver dhe deputetja Ilmari Nurminen. “Duket se videot janë xhiruar në një apartament privat. Iltalehti nuk ka mundur të kontaktojë me Marin ose stafin e saj për koment./Opinion.al
